Persónuvernd

1 Ábyrgðaraðili

Albatross golfferðir (hér eftir „Albatross“) ber ábyrgð á vinnslu persónuupplýsinga sem fram fer í tengslum við vefinn og ferðir fyrirtækisins. Fyrirspurnir um persónuvernd má senda á info@albatrossgolf.is eða í síma 857-8625 eða 771-9909.

Vinnslan fer fram í samræmi við lög nr. 90/2018 um persónuvernd og vinnslu persónuupplýsinga og almennu persónuverndarreglugerðina (ESB) 2016/679.

2 Hvaða upplýsingum er safnað

Í fyrirspurnarformi: nafn, netfang, áfangastaður, fjöldi ferðalanga, ferðatími og skilaboð.

Við bókun: nöfn þátttakenda eins og þau eru í vegabréfi, símanúmer, fæðingardagur og aðrar upplýsingar sem flugfélög, gististaðir eða golfvellir krefjast, ásamt greiðsluupplýsingum. Kortaupplýsingar eru meðhöndlaðar af greiðsluþjónustu og eru ekki vistaðar hjá Albatross.

Upplýsingar um heilsufar eða sérþarfir, til dæmis hreyfihömlun eða ofnæmi, eru aðeins skráðar ef ferðamaður veitir þær sjálfur og aðeins til að útvega nauðsynlega þjónustu.

Á póstlista: netfang og eftir atvikum nafn.

3 Tilgangur og heimild

Upplýsingarnar eru notaðar til að svara fyrirspurnum, útbúa tilboð, bóka og framkvæma ferðir og veita þjónustu á ferð. Heimildin er gerð og efndir samnings.

Bókhaldsgögn eru varðveitt vegna lagaskyldu. Upplýsingar um heilsufar eru unnar á grundvelli samþykkis ferðamanns, og póstlisti byggist á samþykki sem draga má til baka hvenær sem er með tengli neðst í hverjum pósti.

4 Miðlun til annarra

Albatross miðlar aðeins þeim upplýsingum sem nauðsynlegar eru til gististaða, golfvalla, akstursaðila, flugfélaga og greiðsluþjónustu svo hægt sé að framkvæma ferðina. Upplýsingar eru ekki seldar eða afhentar öðrum í markaðstilgangi.

Albatross notar eftirtalda þjónustuaðila sem vinna upplýsingar fyrir hönd fyrirtækisins: FormSubmit, sem sendir fyrirspurnir af vefnum í tölvupósti, og MailerLite, sem heldur utan um póstlistann.

5 Miðlun út fyrir EES

Þegar ferð er farin til lands utan Evrópska efnahagssvæðisins, til dæmis Tyrklands, þarf að senda upplýsingar til gististaða og þjónustuaðila þar. Það er nauðsynlegt til að efna samninginn við ferðamann. Sumir þjónustuaðilar, svo sem FormSubmit, geta vistað gögn í Bandaríkjunum, og er þá byggt á viðurkenndum öryggisráðstöfunum.

6 Varðveisla

Bókunar- og bókhaldsgögn eru varðveitt í sjö ár samkvæmt lögum um bókhald. Fyrirspurnum sem ekki leiða til bókunar er eytt innan 12 mánaða. Netfang á póstlista er varðveitt þar til áskrift er sagt upp. Upplýsingum um heilsufar er eytt að lokinni ferð.

7 Öryggi

Albatross gerir viðeigandi ráðstafanir til að vernda persónuupplýsingar gegn óheimilum aðgangi, breytingum og tapi, og aðgangur að þeim er takmarkaður við þá sem þurfa á honum að halda.

8 Réttindi þín

Þú átt rétt á að fá aðgang að upplýsingum um þig, fá þær leiðréttar eða þeim eytt, takmarka eða andmæla vinnslu og fá þær afhentar á tölvutæku formi. Hafi vinnsla byggst á samþykki getur þú dregið það til baka hvenær sem er. Beiðnum skal beint til info@albatrossgolf.is og verður þeim svarað innan mánaðar.

Telji þú vinnslu ekki í samræmi við lög getur þú kvartað til Persónuverndar, personuvernd.is.

9 Vafrakökur og efni frá þriðja aðila

Vefurinn sækir letur frá Google Fonts, og skráningarform póstlistans kemur frá MailerLite. Við það berst IP-tala þín þessum aðilum og MailerLite getur notað vafrakökur til að skráningin virki. Albatross notar ekki vafrakökur til greiningar eða auglýsinga.

10 Breytingar

Albatross getur uppfært þessa stefnu. Nýjasta útgáfan er ávallt birt á þessari síðu.